Oppmøte er på Strandkaien i Bergen kl. 08.35.
Det går båt frå Sunde kl. 05.40 – er i Bergen 08.00 og
båt frå Rosendal kl. 06.50 – er i Bergen 08.35
Når alle har kome fram, går vi til torget der vi tek buss ut til Mulen i Fjellveien.
Vi går litt bortover på Fjellveien før vi kjem til startpunktet for Stoltzekleiven.
Stoltzekleiven opna i 1939 og har ei lengde på 961 meter.
Antall trappetrinn er 908, og høgdeforskjellen er 313,5 meter.
Trappene er litt krevjande, trinna er ujevne både i høgde og djupne.
På toppen av Stoltzen går vi bort til Sandvikspilen og ser på den fantastiske utsikta.
Turen held fram på grusveg langs Storevatnet, og undervegs til Fløyen går vi innom Aasebu.
På Aasebu tek vi matpause, og det er ope toalett.
Så går vi vidare til Skomakerdiket, der tek vi og ein liten stopp.
Frå Skomakerdiket er det kort veg til Fløyen. På Fløyen tek vi oss tid til å nyta utsikten over Bergen by, før vi går ned fløysvingane til Skansen og vidare til torget.
På torget ligg den gamle Kjøttbasaren med Egon restaurant. Vi har bestilt for gruppe, og reknar med å vera der ca. 14.30.
RETUR:
- Båt frå Bergen til Sunde går kl. 16.10, på Sunde kl. 18.27
- Båt frå Bergen til Rosendal går kl. 16.30, i Rosendal kl. 18.25
VEL MØTT, turen er open for alle, her er det ingen som spør om alder...
OBS 1: Vi har sett ei deltakargrense på 30 personar, det gjeld "først til mølla"-prinsippet.
OBS 2: Ved fullført påmelding får du stadfesta deltakinga di pr SMS og e-post. Dersom du ikkje får slik stadfesting, må du prøva påmelding på nytt. Ta kontakt med ein av turleiarane dersom du har problem med påmeldinga.
- Frammøte: kl. 08.35 på Strandkaien i Bergen
- Turkarakter: MIDDELS
- Turavgift: Ingen, men deltakarane må sjølve dekka transporten (båt og buss)
- Turleiarar: Solveig Hellesøe Sandvik (416 91 324), Anne Grethe Lindseth (906 65 103) og Margrete Gjerald Mehl (924 86 788)
- Vandringa:
- * Distanse: 8,5 km
- * Høgdeskilnad: 313 meter
- * Tidsbruk: Ca. 6 timar, inkl. pausar